بعد وفاه والدها وعمتها.. سمر نديم تخفي أحزانها وراء التزامها بالمساهمة في العمل الخيري

 

كتب/ حسام صلاح

تمر زهرة مصر سمر نديم بحالة نفسية سيئة حيث يصعب على القلوب تحملها وذلك بعد تعرضها لفقدان أغلي وأقرب الناس إلي قلبها لتواجه ضربة موجعه وهي وفاة والدها وعمتها في آن واحد أمس.

وكشفت اليوم زهرة مصر سمر نديم بأنها لم تتأخر عن أحدي الحالات المرضية التى محدد لها ميعاد مسبق بإجراء أحد العمليات الجراحية، بالإضافة إلي أحدي الحلقات التليفزيونية المحدد لها أيضاً، وذلك عبر منشور علي صفحتها الرسمية على موقع التواصل الإجتماعي فيسبوك معلقه الآتي:

بالرغم من الوجع… وفيت بوعدي

"كنا قايلين من بدري إن الحاجة نادية هتعمل عملية المية البيضا يوم التلات الساعة ٨ الصبح،
ووعدت إني هكون موجودة وأساعدها، زي ما اتعودت أكون جنب الناس اللي محتاجاني

بس زي مانتم عارفين إن يوم الاتنين – يعني قبل العملية بيوم –
فقدت أغلى الناس عندي…
بابا توفى
وفي نفس اليوم… عمتي كمان توفيت.

وجع على وجع، حزن مش قادرة أوصفه، قلب تقيل ودموع مش عايزة تقف
بس مع كل ده… وفيت بوعدي، مش عشان أنا قوية
لكن بفضل ربنا الواحد الأحد، اللي بيديني صبر وقوة أنا نفسي مستغربة إني لسه واقفة بيهم

الحمدلله إني لقيت أ/هبة – مديرة دار زهرة مصر –
اللي وقفت معايا وقفة إنسانية من القلب،
وراحت هي مع الحاجة نادية للمستشفى،
واتعملت العملية الحمدلله، وكل حاجة مشت زي ما خططنا

أنا وقتها كنت في تصوير حلقة في القناة التانية

على الهوا مباشرة، ماكنش ينفع أعتذر أو أتأخر.
بس ربنا رتب كل حاجة، وساعدني أكون في المكانين بطريقة غير مباشرة وبعدها هروح على دفنه عمتى والعزاء

أنا بكتب الكلام ده والدمعة في عيني،
مش عشان الناس تقول “برافو”
بس عشان اللي حواليا يعرفوا إن رغم كل حاجة، أنا بحاول…
بحاول أطلع حاجة حلوة وسط الحزن،
أفرّح غيري حتى وأنا موجوعة
أوفي بوعدي حتى وأنا مكسورة

بس اللي جوايا…
وجع كبير أوي وجع يمكن مقدرش أوصفه،
ولا حتى أتكلم عنه.

بس أنا مؤمنة بحاجة واحدة
الناس اللي حواليا مالهمش ذنب في ألمي… ولا ينفع أشيلهم همي
أنا مسؤولة عنهم… وربنا هو اللي بيقويني

اللهم اربط على قلبي، وارزقني صبرًا لا ينفد، وقوة لا تنهار، وسكينة تملأ قلبي رغم الوجع
يا رب اجعلني من اللي إذا ابتُلي صبر، وإذا أُعطي شكر، وإذا حزن لجأ إليك، فأنت أرحم الراحمين
اللهم إنّي راضية بكل قضائك، فأرضِني بقلبٍ مطمئن، واملأ روحي بالرضا والسكينة
سمر نديم".

ويذكر أن زهرة مصر سمر نديم توفى والدها وعمتها امس، وشيعت جنازة والدها من مسجد فاطمة الشربتلي بالتجمع الخامس وأقيم العزاء في مسجد آل رشدان بمنطقة بمدينة نصر.