حمزة عبد الكريم يرفض الظهور الإعلامي

— بعد رفض حمزه عبدالكريم الظهور مع سيف زاهر على "أون تايم سبورتس"، ويعتذر لعمرو أديب عن برنامج "الحكاية" على "إم بي سي مصر"، ويرفض حرفياً كل القنوات الفضائية والملايين اللي كانت هتدخل جيبه..
— يبقى إحنا قدام عقلية "مختلفة تماماً" مش مجرد موهبة عادية. في الوقت اللي البعثة كلها والجهاز الفني طلعوا في لقاءات إعلامية بعد نهاية مشوار الفراعنة في المونديال، حمزة عبد الكريم ووالده كان عندهم رد واحد يدرّس: "أنا لسه معملتش حاجة تستاهل الظهور.. تركيزي كله الفترة الجاية إني أكون مهاجم برشلونة الأساسي".
— حمزه مش بيتكلم وشايف نفسه وخلاص، لغة الأرقام بتثبت إنه مشروع "مهاجم فتااك" فرض نفسه على الساحة:
مع شباب برشلونة: خاض تجربة إعارة تاريخية، سجل خلالها 5 أهداف (منها هاتريك في شباك مون كارلو وهدف في أول ظهور ضد هويسكا)، وقاد الفريق للتتويج بلقب دوري الشباب... بالإضافة لدخوله تاريخ الكرة المصرية والعربية كأصغر لاعب يشارك في تاريخ كأس العالم للكبار (بعمر 18 عاماً فقط) في مونديال 2026.
— حمز كسب ثقة حسام حسن وشارك كبديل استراتيجي في مباريات كبرى بالمونديال ضد بلجيكا، ونيوزيلندا، وإيران، وأستراليا.. وأثبت شخصية قوية تفوق عمره.علشان كده، اللاعب رفض بريق الشهرة والفلوس السهلة، والنهاردة وصل إسبانيا وقطع إجازته تماماً، ونزل الملعب في أول تمرين وفحوصات طبية مع الفريق الأول لبرشلونة تحت قيادة الألماني هانز فليك بالمدينة الرياضية "خوان جامبر". 
— برشلونة مفعلش بند شرائه النهائي من النادي الأهلي بقيمة 1.5 مليون يورو وحتى عام 2029 من فراغ.. العقلية الاحترافية دي مع الأرقام المبشرة دي هي اللي بتعمل "أفضل مهاجم في العالم.

النضج ده وهو في السن ده يخلينا واثقين مليون في المية إننا بإذن الله هنشوف هداف مصر الأول بيقود هجوم البلوجرانا الأساسي قريب جداً. 
- ارفعوا القبعة لحمزة عبد الكريم.. المستقبل ملك لمن يعرف قيمته!!. كلنا في ضهرك ياحمزه وانا هنا هفضل ادعمك