اهم ماجاء. في تصريحات مرتضي منصور

كتب /أحمد حسن

انتوا قاعدين تهروا من الصبح في موضوع مش هو القضيه اساسا القضيه مش قضيه مديونيه ولا فلوس ، القضيه هي كسر الزمالك...

بقول للجمهور اللي قاعد يعملي بيانات انتوا مش جمهور الزمالك ، بتقول اني اللي دمرت النادي ، انا مستلم النادي خرابه كرويه ، ايه علاقه احمد موسى و خيري رمضان بالكوره ، مش دول اهلاويه ..

نفس المؤامره اللي اتعملت عليا قبل كده بتتعمل تاني دلوقت ، انت مش جمهور الزمالك الحقيقي ، انت لو عندك دم تقف ورا النادي..

النهارده كنت عند الوزير قولتله انا قرفت عاوز امشي ، مبقتش طايق قله الادب، كهربا الموقوف دوليا يلعب والـ3 بتوع الزمالك المحترمين ميلعبوش القصة بيبو ميزعلش، القصه مش فلوس، مش عاوزه اتكلم لان الدوله فيها قيادات محترمه وادينا فرصه نحل وهم اتورطوا في قرار خاطئ...

انت بتكذب يا استاذ حازم يا إمام وقولت محدش كلمك علشان ازمة المنع لا وليد للعطار ومحمد أبو الوفا كلموك وقولتلهم لا، طيب لماعرفت ان في ازمه للزمالك عملت ايه..

هات لي نص باللايحة من شروط القيد الفلوس، والتسجيل واضح شروطه قبل 31 يناير والقيد ليس له علاقه بالفلوس، لنفترض ان والشركه الراعيه اختلفنا لا املك منع دخول الكاميرات لاذاعه الماتشات تبقى بلطجه..

انت مش عاوز تدوس علشان البطاقه اللي عملتوه ممكن يلغي النشاط الرياضي في مصر، ومعايا فيديو بماحدث واستاذ محمد ابو الوفا وقالي قاعدين للساعة11 علشان نحاول تشوف حل، مع احترامي للاهلي وجماهيره هل الاتحاد الدولي قالك خلي كهربا يلعب..
رئيس نادي اسوان جاب الاستغنا بتاع بلحاج الساعه9 وناصر منسي الساعة 8 والاستاذ فرج عامر رفعه متاخر، انا مش شغال عندك بيان جماهير الزمالك لا انت مرتشي انت لوزمالك تقول ان جاب 40 بطوله وعملتلك قناة..

بيطلع خيري رمضان يشتمني وشوبير وتامر امين وعيل من لجان الاهلي يبعتلي فيديو لابراهيم فايق واخد مرتضى منصور غسيل ومكواه، ورديت علي ابراهيم فايق لان العنوان بيشتمني وبيقول واخد مرتضى غسيل ومكواه وناس كلموني قالولي العنوان غير الفيديو وانا بقولك متزعلش يا ابراهيم، ورده عليا اللي فيه شتيمه قولتلهم في مكتبي متعملش به قضيه..

بتحداك يا حسين يا لبيب انت وحسين السيد لو في عقد موجود لامام عاشور في النادي ، العقد مش موجود في النادي اقسم بالله العظيم..

كان في مشكله في اوضه اللبس بين احمد مصطفى زيزو وبين امام عاشور ، خلي بالك لما يشوف زيزو بياخد كام طبيعي حقه يبصله..

امام عاشور بقاله ٧ او ٨ ماتشات مش هو امام عاشور ، امام عاشور لاعب ارعن ، فاكر لما حد مباصلوش الكوره قام سايب الملعب وقاعد برا ، هو في كده يا جماعه ؟ احنا متحملين وساكتين ..

بس ده برضو سنه صغير ، احنا لما كنا زيه عملنا اكتر من كده ، اللاعب مش مركز وقدامه ٦ شهور ويبقى فري وفالاخر يقولي انت بعت النادي..
النادي محجوز عليه ومديون وعاوزين فلوس ، انا كان عندي ٧٠ مليون جنيه يكفوني ٦ اشهر ولكن اتحجز عليهم طب اعمل ايه ، انا بقاوم لجان الاهلي واتحاد الكوره..

يا راجل انت مش عارف تحاسب سيد عبد الحفيظ ، ده راجل ضرب الحكام وشتمهم..